Duqeyntan waxey diyaaradaha Duuliye la aanta dowladda Saliibiyadda Mareykanka ka geysteen deegaan ka tirsan Wilaayada Helmand oo dhacda Konfurta dalka Afghanistan.
Diyaaradaha Kufaarta Mareykanka ayaa dhowr Gantaal ku dhuftay Guri ay dad shacab ah deganaayeen kaasi ku yaala deegaanka Qalcah Gaz oo hoostagta degmada Jarashka ee Wilaayadaasi.
Diyaaradaha Mareykanka ayaa dhulka la simay guriga kadib markii Tiro Gantaala ah ay ku garaaceen guriga taasi oo sidoo kale sababtay iney wada shahiidaan qoyskii guriga degnaay.
Inta la xaqiijiyay Sideed ruux oo hal qoys wada ah ayaa ku geeriyooday duqeynta mana jira hal qof oo qoyska ka tirsan xilliga duqeyntana ku sugnaay guriga oo ka badbaaday ama ku dhaawacmay duqeyntaasi.
Dhacdadan naxdinta leh ayaa kusoo aadeysa xilli maalin ka hor diyaaradaha Cadowga sidoo kale ay duqeyeen goob ay ka socotay Xaflad aroos ah goobtaasi oo ku taala degmada Jalriiz oo ka tirsan Wilaayada Meydan Wark ee dhacda Bartamaha dalka Afghanistan.
Diyaaradaha Saliibiyiinta Mareykanka ayaa sii kordhiyay duqeymaha ay la beegsanayaan Dadka shacabka ee Reer Afghanistan waxeyna duqeymahan qeyb ka yihiin duulaanka Shareeco la dirirka ah ee Isbaheysiga Mareykanka hor kacayo ku qaadeen dalka Muslimka Afghanistan.
About The Author
