Wararka ka imaanaya gobalka Hiiraan ee bartamaha dalka Somalia waxey sheegayaan in ugu yaraan Sedax Askari oo katirsan ciidamada dowlada Ridada Jabuuti ay dhinteen tiro kalane dhaawacmeen kadib markii qarax lagula eegtay garoonka diyaaradaha Macmalka degmada Buula Burde.
War kasoo baxay xarakada Shabaabul Mujaahidiin ayay ku sheegatay Mas’uuliyadda qaraxa lagu dilay ciidamada Jabuuti “Miujaahidiinta ayaa qarax Miino ku dilay Sedax askari oo katirsan Murtadiinta Jabuuti xilli ay ku sugnaayeen garoobka diyaaradaha degmada Buula Burde” ayaa lagu yiri warka Alshabaab kasoo baxay.
Goob Joogayaal ayaa sheegay in xilligii uu qaraxu ka dhacay ay ciidamada Jabuuti ku mashquulsanaayeen raashin ay kala degayeen diyaarad xamuul ah oo xilligaas garoonka soo caga dhigatay.
Illaa iyo hadda wax war ah kamasoo bixin saraakiisha ciidamada dowlada Jabuuti ee qeybta ka ah duullaanka ay dowladaha shisheeye kusoo qaadeen Soomaaliya
About The Author
