Markale kooxda Riddada Soomaaliya ayaa goodis cusub udirtay kooxaha mucaaradka ah ee ku sugan magaalada Muqdisho kuwaas oo maalmihii lasoo dhaafay weeraro afka ah ku qaadayay Xasan Gurguurte.
Axmed Macallin Fiqi oo ah wasiirka gaashaandhigga ayaa kalimad uu jeediyay ku beeniyay maleeshiyaad lagu tababaray deegaanka Xanaanbuure ee gobolka Galguduud loosoo daabulayo Muqdisho si loogu beegsado mucaaradka balse wuxuu qiray in tallaab laga qaadi doono wax uu ugu yeeray kuwa Hoteellada ka qeyliya.
Kooxaha mucaaradka ah ayuu ku eedeeyay in ay degmooyinka gobolka Banaadir ka wadaan falal ammaan darro iyo kicin dadweyne sidaas daraadeed ay ciidamada kooxda Riddada amar uqabaan in ay ugacan qaadaan haddii ay sameystaan maleeshiyaad hubaysan.
Siyaasiyiin ay kamid yihiin Shariif Sheekh Axmed,Xasan Cali Kheyre iyo Cabdiraxmaan Cabdishakuur ayaa maalin ka hor Xasan Gurguurte ku sifeeyay madaxweynihii hore ee kooxda Riddada iyagoona horraanta bisha soo socota iclaamiyay banaan bax cusub oo aan la ogeyn sida uu udhici doono.
About The Author
