Wararka ka imaanaya magaalada Minneapolis ee gobolka Minnesota, ayaa sheegaya in gaabis uu ku yimid dhaqdhaqaaqa suuqyada ganacsi ee ay Soomaalidu ku leedahay magaaladaasi.
Arrintan ayaa ka dambeysay markii madaxweynaha dowladda saliibiyadda Maraykanka gaal Donald Trump uu Soomaalida dhowr jeer warbaahinta ka weeraray, sheegayna in aan looga baahnayn Maraykanka.
Qaar ka mid ah ganacsatada Soomaaliyeed oo warbaahinta kasoo muuqday ayaa waxay sheegeen in goobaha ganacsiga Soomaalida ee suuqa Karmell ee Minneapolis ay hadda noqdeen kuwa haawanaya, maadaama dadkii usoo dukaameysi tegi jiray ay sheegeen in cabsi iyo welwel lagu beeray.
Dadkan Soomaaliyeed ayaa lasoo wariyay inay weeraro kala kulmayaan ciidamo Ameerikaan ah oo gobolka Minnesota lagu soo daadiyay, kuwaas oo loo soo hubeeyay si ay u qabqabtaan Soomaalida.
Waxay ganacsatady sheegeen inay arrintaasi ku keentay culays xooggan. dhaqaqaaqi ganacsi ee suuqa Karmell na uu halis ugu jiro in uu joogsado.
Dhanka kale, qof goobjooge ah ayaa sheegay in ganacsatadu u sheegeen in dakhligii soo geli jiray uu hoos u dhacay boqolkiiba 70 ilaa 90, halka dadka qaar ay ka cabsi qabaan in dukaamadoodu ay gebi ahaanba xirmaan.
Ganacsatada Soomaalidu waxay sheegeen in suuqa Karmeel ay ku yaallaan 1200 dukaan, shaqaalihii goobahaasi ka howlgeli jiray ayay sheegeen inay shaqada ka tageen cabsi awgeed, waxayna taasi keentay in mulkiileyaasha ay shaqadii shaqaalaha qabtaan, sidaas oo ay tahayna ay waayeen macaamiishii ku xirnayd.
Mid ka mid ah ganacsatada ayaa sheegay in dadka Soomaaliyeed si gaar ah loo beegsado oo la takooro, waxayna sheegeen in hanjabaaddii Trump ee ka dhanka ahayd Soomaalida ay si wayn u saameysay.
About The Author
