Ciidamada Mujaahidiinta Imaarada Islaamiga Afghanistan ayaa Dagaallo Culus kadib si buuxda ula wareegay 48-saac ee lasoo dhaafay ilaa iyo Shan Degmo oo ka kala tirsan Wilaayaatka Takhar, Jowzjaan, Badkhashan, Faryab iyo Samnajan oo ku kala yaala Waqooyga Iyo Galbeedka Dalka Afghanistan.
Degmada ugu horeysay ee Dagaalka ay kula wareegeen Ciidamada Mujaahidiinta ayaa ah Degmada Khawajah Gaar oo ka tirsan Wilaayada Takhar ee dhacda Waqooy Bari Dalka Afghanistan.
Degmada Labaad ayaa ah Degmada Baharik oo ka tirsan Wilaayada Badkhashan oo iyaduna dhacda Waqooy Bari dalka Afghanistan.
Degmada Saddex-aad ee Ciidamada Mujaahidiinta ay la wareegeen waa Degmada Darzab oo ka tirsan Wilaayada Jowzjan oo ah Wilaayo dhacda Waqooyga Dalka Afghanistan, Waxeyna Ciidamada Mujaahidiinta dagaalkii ka dhacay degmadaan ku dileen 17 askari oo ay ku jiraan Saraakiil sar sare oo ka tirsan maamulka Xukuumadda Kaabul, Sidoo kale waxaa Ciidamada Mujaahidiinta imaarada Isaamiga Afghanistan isku soo dhiibay 20 askari oo hubkooda wata kuwaasi oo qeyb ka ahaa Maleeshiyaatkii ku sugnaay degmadaasi.
Magaalada Afaraad ee Ciidamada Mujaahidiinta ay dagaalka kula wareegeen waa degmada Qarmaqal oo ka tirsan Wilaayada Faryab ee Galbeedka Dalka Afghanistan, waxeyna Ciidamada Mujaahidiinta dagaalkan ku Ganiimeysteen oo gacanta ku dhigeen Lix Gaari iyo keydkii Hubka ee Magaaladaasi.
Degmada Shanaad ee Ciidamada Mujaahidiinta Imaarada Islaamiga Afghanistan ay dagaalka culus kula wareegeen waa Magaalada Darah Sowf oo ka tirsan Wilaayada Samnajan oo dhacda Waqooyga Dalka Afghanistan, Waxeyna Ciidamada Mujaahidiinta intuu uu socday Dagaalka ay degmadan kula wareegeen nolasha ku qabteen 20 askari oo ka tirsan Maleeshiyaatka Ridada Kaabul.
La wareegidda Ciidamada Mujaahidiinta ay la wareegeen gacan ku heynta Shantan Degmo ayaa kusoo aadeysa Xilli Bishii Lasoo dhaafay Ciidamada Mujaahidiinta ay si buuxda ula wareegeen gacan ku heynta Ku dhawaad Toban Magaalo oo ka tirsan Dalka Afghanistan.
Dhanka Kale Labadii Maalin ee u dambeysay waxaa goobo fara ku tiris ah oo ka tirsan dalka Afghanistan ka socday Doorasha Gaaleed oo Madaxweyne cusub loogu sameynayo Xukuumadda Ridada Kaabul, iyadoo Ciidamada Mujaahidiinta Imaarada Islaamiga Afghanistan ay qaar ka mid ah goobahaasi la beegsadeen Weeraro gaaraya 314 weerar waxeyna ku dileen 252 askari oo isugu jirta Boolis iyo Milatari ka tirsan Maleeshiyaatka Maamulka Ridada Kaabul.
Calamada.com
About The Author
