Maleeshiyaadka loogu yeero macawiisleyda ayaa weerar jid-gooyo ah u dhigtay maleeshiyaad ka tirsan murtazaqada uu Mareykanka tababaro ee Danab, weerarkan ayaa si gaara uga dhacay deegaanka Ceel-baraf ee gobolka Sh/dhexe, waxaana la sheegay in weerarkan uu khasaare xooggan kasoo gaaray murtazaqada Danab.
Inta la xaqiijiyay ugu yaraan 7 askari ayaa dhaawacyo garaab ah waxay ka soo gaareen weerarkaan, dhawaacayada ayaa intooda badan loo qaaday magaalada Muqdisho, halka qaar kalena lagu dabiibayo cisbitaalka magaalada Jalalaqsi ee bariga Hiiraan.
Maleeshiyaadka Danab ee weerarka kala kulmay Macawiisleyda ayaa la sheegay in loo bartilmaameedsaday aano qabiil darteed, askartan ayaa laga soo fasaxay saldhigga ay ku leeyihiin Garoonka magaalada Jowhar waxayna kusii jeedeen gobolka Hiiraan.
Guddoomiye ku xigeenka u qaabilsan kooxda Riddada Ceel Baraf ayaa warbaahinta u sheegay in Maleeshiyaadka Danab ay falal amniga lagu carqaladeynayo ka sameeyeen deegaanka, taasna ay keentay in uu dagaal halkaas ka qarxo.
About The Author
