Dowladda Saliibiyadda Uganda ayaa Midowga Yurub kala hadashay mustaqbalka howlgalka ciidmada Midowga Afrika ee Soomaaliya, kaas oo dhibaatada amni ee ku gedaaman kasakow wajahaya caqabado dhaqaale, xilli dalalka AUSSOM ay baadi-goob ugu jiraan sidii xal loogu heli lahaa duruufahaasi.
Wasiirka Gaashaandhigga Uganda, Kiryowa Kiwanuka, ayaa xarunta Wasaaradda Gaashaandhigga ee caasimadda Kampala, kula kulmay wafdi uu hoggaaminayay Ku-xigeenka Safiirka Midowga Yurub ee Uganda, haweenayda lagu magacaabo Eole Sury (Yool Seeri).
Sida ay Wasaaradda Gaashaandhigga Uganda shaacisay, wada-hadalladu waxay diiradda saareen mustaqbalka duullaanka saliibiga ah ee Ciidamada Afrikaantu ay ka wadaan Soomaaliya, balse ma aysan sheegin wax natiijo ah oo haba yaraatee kasoo baxday kulankaasi.
Wajigabaxii kulankaasi kadib, Wasiirka Gaashaandhigga Uganda waxa uu ku adkeeyay weftiga Midowga Yurub in marka laga hadlayo mustaqbalka AUSSOM la tixgeliyo doorka ciidamada Uganda iyo kaalintii ay ka qaateen duullaanka saliibiga ah ee lagu qaaday dalka Soomaaliya.
Kulanka oo sidoo kale uu ka qayb-galay Ku-xigeenka Taliyaha Ciidamada Difaaca Uganda, ayaa warbixintiisa aan lagu xusin wax ballanqaad cusub oo dhaqaale ah ama go’aan rasmiya oo laga gaaray mustaqbalka duullaanka macatab-ku-dirirka ah ee isbahaysiga AUSSOM.
Si kastaba ha ahaatee, kulanka ayaa kusoo aadaya xilli uu mustaqbalka howlgalka AUSSOM uu wajahyo hubanti la’aan baahsan, kadib markii Maraykanku dhawaan si rasmi ah u shaaciyey inuu joojinayo maalgelinta saadka ee uu siin jiray ciidamada Midowga Afrika ee Soomaaliya.
About The Author
