Kadib weeraro isdaba joog ah oo Xoogaga Al Shabaab ay bilihii lasooa dhaafay ka fulinayeen deegaanno katirsan dhulka Soomaalida NFD ee Kenya gummeysato ayay xirmeen dhammaan iskuulladii gacanta dowladda kujiray.
Wararka ka imaanaya gobolka Gaarisa ayaa sheegaya in ay carareen macallimiintii Kenyaatiga ahaa ee waxka dhigi jiray iskuullada Gaarisa kadib markii qaar badan laga dilay qaarna laga dhaawacay.
Maamulka dowladda Kenya uqaabilsan Gaarisa ayaa xaqiijiyay in Iskuullada hoose,dhexe iyo kuwa sare ay xirmeen kadib markii macallimiintii Kirishtaanka Kenyaatiga ahaa ay u carareen dhanka Nairobi.
Dowladda Kenya ayaa ku gacan sayrtay codsi uga yimid odayaasha deegaanka oo ahaa in macallimiinta Kenyaanka ah ay ku bedesho kuwa Soomaali maxalli ah taas oo muujinaysa in dowladda Kenya ay cadow ku tahay shacabka Soomaaliya islamarkaana ay shaqo abuur usameynayso dadka Kenyaanka dhaladka ah.
Mujaahidiinta Al Shabaab ayaa horay usheegtay in ay beegsanayso dhammaan dadka Kenyaanka aslalka ah ee lagu deegaameeyay dhulka NFD iyo gobolka Xeebta ku teedsan ee Lamu, weerarkii ugu dambeeyay ee ka dhacay duleedka Gaarisa ayaa lagu dilay laba kamid ah Macallimiinta dowladda Kenya.
About The Author
