Dowladda Xabashida Itoobiya ayaa xaqiijisay geeriday madaxweynihii hore ee wadankaas ninka lagu magacaabo Girma Welde giorgis oo 95 sana jir ahaa.
Wararka ka imaanaya Itoobiya ayaa sheegaya in xalay uu isbitaal melleterigu leeyihiin oo lagu magacaabo Tor-hayloch kuna yaalla magaalada Addis Ababa uu ku dhintay madaxweynihii hore ee wadankaas.
Sanaddii 2001 ayuu qabtay xilka madaxweynanimada wadanka Itoobiya isagoo muddo 12 sana ah xilkaas hayay balse sanaddii 2013 ayuu shaqada ka fadhiistay wuxuuna noqday howlgab waayeel ah.
Sanadadii uu Girma Welde giorgis ahaa madaxweynaha Itoobiya waxay isku dhowaayeen Males Zenawi R/wasaarihii hore ee xukuumadda Addis waxaana la xusuustaa sida ay ugu mideysnaayeen duullaankii ciidamada Xabashidu kusoo qaadeen Soomaaliya daba yaaqadii sanaddii 2006 xilligaas oo Itoobiya ay qabsatay inta badan magaalooyinka dalka.
Abiy Axmed oo ah R/wasaaraha Itoobiya ayaa ku dhawaaqay maalmo baroor diiq ah wuxuuna sheegay in aas qaran loogu sameyn doono halkii uu ku dhashay ee magaalada Addis Ababa.
About The Author
