Warsaxaafadeed kasoo baxay booliska dowladda saliibiyadda ee Maraykanka ayaa lagu shaaciyay in maydadka dhowr qof oo Ameerikaana laga soo saaray guri kuyaal magaalada Chicago ee waddanka Maraykanka, Ka dib markii muddo dheer ku dhex go’doonsanaayeen guriga.
Booliska Maraykanka ayaa qoraalkiisa ku sheegay inay soo saareen maydadka illaa 5 qof oo lagu la’aa guri kuyaal xaafad ka tirsan magaalada Chicago, wax yar uun ka dib markii Booliska lagu soo war galiyay dhacdadan.
Ilo wareedyo kala duwan oo ay soo xigatay warbaahinta gudaha Maraykanka ayaa sheegaya in ciidamada Booliska markii ay gaareen guriga ka dib ay waayeen wax u jawaabo, sababo ku aadan inaysan jirin wax dhaqdhaqaaq ah oo ka dhex socday guriga.
Saraakiisha boolisku waxay sheegeen inay ku qasbanaadeen inay jabiyaan oo ay xoog ku galaan dhismaha guriga ka dibna ay halkaasi ka heleen maydadka 5 qof oo Ameerikaan ah mana aysan sheegin raadadka iyo sababta keentay dilkooda.
Ehellada qoyska Ameerikanka ah ee maydadkooda laga soo saaray guriga ayaa aad ula anfariiray dhacdadaan, iyagoo sheegay inaysan marnaba ku qancin falcelinta uu dhacdadan ka bixiyay booliska oo ahayd inaysan jirin wax raadad ah oo muujinaya in la dilay qoyska oo dhan.
Waddanka Maraykanka waxaa ka socda beegsi isir sifayn ah oo ay isku hayaan bulshada kala midabka ah ee ku dhaqan waddankaasi, waxaana taasi usii dheer toogashooyinka ay gaysanayaan dadka naftooda ku qammaaray.
About The Author
