Warar dheeraad ah ayaa kasoo baxaya howlgal jihaadi ah oo jamaaco islaami ah dhowaan ka fulisay wadanka Nejeeriya ee dhaca galbeedka qaaradda afrika, wararka ka imaanaya Nigeria waxay sheegayaan in ugu yaraan 10 qof oo ay kamid yihiin mas’uuliyiin dowladeed ay ku dhinteen weerarka oo ka dhacay gobolka kaaduuna.
War rasmi ah oo kasoo baxay taliska booliska gobolka Kaduna ayaa lagu sheegay in xoogag hubeysan ay arbacadii lasoo dhaafay weerar jidgal ah u dhigeen kolonyo uu lasocday guddoomiyaha gobolka.
Dowladda Nigeria waxay qirtay in weerarka lagu dilay ugu yaraan 6 qof oo ay kamid yihiin kaaliyaashii guddoomiyaha kaaduuna iyo askar kale, guddoomiyaha laweeray ayaa lagu magacaaba Alxaaji Cumar.
Mas’uuliyadda weerarkan waxaa sheegatay jamaacada jihaadiga ah ee Ansaaru muslimiin Fii Bilaadi Suudaan, bayaan rasmi ah oo jamaacadan kasoo baxay ayay ku sheegtay in ciidamadedu ay mas’uul ka ahaayeen weerarka ayna dhimasho iyo dhaawac noqdeen ugu yaraan 22 katirsan ciidanka dowladda Nigeria.
About The Author
