Madaxa maamul goboleedka ahahaada la dirirka Somaliland, murtad Muuse Biixi Cabdi, ayaa khudbad uu jeedinayay kusoo hadal qaaday heshiiskii uu la galay Abiy Axmed ee uu xabashida Itoobiya ku siiyay qaybo ka mid ah biyaha Somalia.
Muuse Biixi ayaa sheegay in heshiiskii xaaraanta ahaa ee uu ku bixiyay qayb ka mid ah badda Soomaaliyeed uu u galay sidii maamulkiisu aqoonsi uga heli lahaa dowladda xabashida Itoobiya.
Wuxuu tilmaamay in heshiisku dhigayo in Itoobiya yeelato saldhig millatari oo ay ka samaysato deegaannada uu ka arrimiyo, taasi baddalkeedana Itoobiya ay aqoonsan doonto maamulkiisa.
Khudbadda uu jeediyay ayuu sidoo kale ku sheegay in heshiiskaas uu dhaqan gelayo waa sida uu hadalka u dhigaye, isaga oo soo qaatay hadalkii dhowaan uu jeediyay Abiy Axmed Ra’iisul wasaaraha Itoobiya, ee ahaa in xabashidu ka go’an tahay fulinta MOU-ga ay la galeen Muuse Biixi.
Muuse Biixi oo hadalkiisa sii wata ayaa intaa ku daray in sidoo kale xabashidu siiyeen dekadda magaalada Berbera, shaqada hadda ka socotana tahay mid ay xabashida saliibiyiinta ah u hayaan.
About The Author
