War rasmi ah oo kasoo baxay waxa loogu yeero Q.Midoobe ayaa lagu sheegay in howlaheeda shaqo ay qarka usaaranyihiin joogsasho kadib markii ay lakulantay iflaas dhanka maaliyadda ah.
Xoghayaha guud ee Q.Midoobe wuxuu sheegay in ay la’yihiin lacago boqolaal bilyan oo Dollar ah kuwaas oo uga imaan jiray dhanka Shiinaha iyo Mareykanka.
Wuxuu carrabaabay in dhaqaala xumada maaliyadeed aawgeed ay joogsadeen kulamo muhiim ah oo uu goluhu yeelan lahaa sababa laxiriira Tarjumaannada ka shaqeeya xarunta magaalada New York oo soo gaabiyay saacadihii ay shaqeynayeen.
Sidoo kale waxaa hoos loodhigay jaranjarooyinka korontada ku shaqeeya ee xarunta Q.Midoobay kadib markii la awoodi waaye bixinta lacagta Korontada.
Saraakiil ku sugan magaalada New York waxay sheegeen in lasoo gaabiyay shaqada golaha ammaanka maadaama aan lahelin lacagaha mushaaraadka shaqaalaha waxayna ka digeen in gebi ahaan shaqadu joogsan doonto bisha Agoosto ee soo socota.
Miizaaniyadda waxa loogu yeero Q.Midoobay ayaa 42% kutimaada Mareykanka iyo Shiinaha,maamulka Trump ayaa aad hoos ugu dhigay bixinta qarashaadka golaha halka Shuunuhu uu ka cagajiidayo qarash bixinta.
Ururka ugu weyn dunida ayaa qarka usaaran burbur dhaqaale waxaana burburi doono howlgallo melleteri oo ka socda daafaha dunida haba ugu badnaado kuwa qaaradda Afrika.
Howlagalka ciidamada kufaarta Afrikaanta ee Soomaaliya ayaa kamid ah howlgallada lafilayo in ay burburaan haddii qarashaad dheeraad ah loo waayo golaha gaalada midowday.
About The Author
