Khasaara lixaad leh ayaa ka dhashay weeraro is xigxigay oo ka dhacay magaalada labaad ee ugu weyn wadanka Indonesia oo kamid ah wadamada qaaradda Asia.
Wararka ka imaanaya magaalada Surabaya ayaa sheegaya in ilaa sedax qarax lala helay Kaniisado ay leeyihiin dadka aqaliyaadka Kirishtaanka ah ee Indonesia kunool.
Saraakiisha Booliska ayaa sheegay in rag naftood hurayaal ah ay gudaha ugaleen Kaniisadaha ayna fuliyeen qaraxyo loo maleynayo in ay ka dhasheen suuman walxaha qarxa lagasoo buuxiyay.
Qaraxa koowaad markii uu dhacay toban daqiiqo kadib waxaa xigay qarax kale, ugu yaraan 9 qof ayaa la xaqiijiyay in ay ku dhinteen qaraxyada halka 40 kale ay dhaawacyo soo gaareen.
Afhayeen u hadlay wasaaradda arrimaha Gudaha Indonesia ayaa sheegay in ay fashiliyeen qarax afaraad oo lala beegsan lahaa mid kamida Kaniisadaha magaalada Surabaya oo xilligaas uu ka dhici lahaa Mahrajaan ku saabsan cunta karinta.
Weeraradan ayaa imaanaya maalmo kadib markii weerar lagu dilay 5 askari uu ka dhacay Xabsi amnigiisa si aad ah loo ilaaliyo oo kuyaal hareeraha magaalada Jakaarta ee caasimadda ah.
About The Author
