Ra’iisul wasaaraha maamulka Yahuudda ayaa si adag u difaacay maamulka ka dhisan dhulka Xarameynka ee ay majaraha u hayaan qoyska Aala-Sucuud, kuwaas oo mudooyinkii u dambeeyay la kulmayay dhaleeceyn dhanka warbaahinta ah.
Natanyahu oo ka hadlayay bil kadib dilkii wariye Jamaal Khaashiqji ayaa arintaas ku tilmaamay mid argagax leh, balse wuxuu sheegay iney lama huraan tahay sidii loo ilaalin lahaa qoyska Aala-Sucuud oo uu sheegay iney qeyb ka yihiin dowladaha adduunka.
Hadalka kasoo baxay Natanyahu waxaa sii dhameystiray wasiirka Tamarta ee maamulkaas, kaas oo si cad u sheegay in maamulka Aala-sucuud uu bahwadaag dhow la yahay maamulka Yahuudda.
Wasiirka Tamarta Yuufaal wuxuu intaa ku daray in dilka wariye Jamaal Khaashiqji ay ka darantahay is fidinta dowladda Iiraan.
Arintan ayaa muujineysa, halka uu la egyahay xiriirka ka dhexeeya maamullada Yahuuda iyo kan Aala-Sucuud ee ka arimiya dhulka Xarameynka.
About The Author
