Roobab ay ku diirsadeen dadka iyo duunyada ayaa saacadihii lasoo dhaafay ka da’ay deegaanno katirsan gobollada Hiiraan iyo Shabeellaha dhexe.
Wararka ka imaanaya gobolka Hiiraan ayaa sheegaya in Roobab Mahiigaan ah ay ka da’een inta badan degmooyinka gobolka Hiiraan, magaalada Beled Weyne ee xarunta gobolka ayaa kamid ah meelaha roobabku sida aadka ah uga da’een.
Galbeedka gobolka Hiiraan 12 saacadood xiriir ah ayay roobabka Dayrta ka da’een sidoo kale Bariga Hiiraan ayaa kamid ah meelaha roobabka mahiigaanka ah ka da’een.
Biriq ay wateen Roobabka dayrta ayaa cilladeysay mid kamida shirkadaha isgaarsiinta deegaanka Halgan ee gobolka, waxeyna dadka deegaanka sheegeen in ay dantay xarunta shirkadda Biriqdu ku dhacday balse majirin wax yeello gaartay Taawarka shirkadda waxaase cilladoobay dhammaan qalabkii isgaarsiineed.
Dhinaca kale Roobab saacado badan da’ayay ayaa lagasoo sheegayaa deegaanno iyo degmooyin ka kala tirsan gobalada Jubbada Hoose Iyo Sh/dhexe, roobabka xilliga Dayrta ayaa si aad ah loo sugayay waxayna ka curteen gobollo dhaca Koonfurta iyo bartamaha Soomaaliya.
About The Author
