Sarkaal ka tirsan ilaalada wasiirka amniga kooxda Riddada Soomaaliya, ayaa la sheegay in lagu dilay mid ka mida baraha Control ee laga galo xarunta madaxtooyada Riddada.
Sarkaalka la dilay ayaa lagu magacaabi jiray Daahir Cabdi Faarax, warar kala duwan ayaa kasoo baxaya dilkiisa, wararka qaar ayaa sheegaya in muran ka dhashay barta Control uu sababay dhimashada sarkaalka.
Dilka waxaa gaystay sida la sheegayo sarkaalka haystay barta Control ee uu buuqa ka dhashay, wararka qaar_na waxay sheegayaan in sarkaalkaan uu ka mid ahaa kuwa kusoo baxay isqabqabsiga ka taagnaa Control-ka, sarkaalka haystay barta ayaana la sheegay in uu rassaas huwiyay, taasi oo keentay in uu dhaawacmo, wallow markii dambe uu u geeriyooday.
Dhanka kale, iska hor-imaad ka dhacay magaalada Gaalgacyo, gaar ahaan dhinaca waqooyi oo u dhaxeeyay maleeshiyo ka wada tirsan maamulka Deni, ayaa sababay dhimasho iyo dhaawac.
Dagaalka ayaa si gaar ah u dhexmaray maleeshiyada lagu kala magacaabo Booliiska iyo Daraawiishta maamulka Puntland, waxaana uu iska hor’imaadka ka dhashay askari ay baadi goobayeen Booliiska, waxaana goobta dagaalka ku dhintay ilaa laba askari oo labada dhinac ah.
Isqabqabsiga dhexmara maleeshiyada kooxda Riddada iyo kuwa maamullada ashahaada la dirirka ah ayaa sababa dhimashada iyo dhaawaca saraakiil iyo askar ka tirsan dhinacyada is qabta.
About The Author
