War rasmi ah oo kasoo baxay Xarakada Mujaahidiinta Al Shabaab ayay ku sheegatay mas’uuliyadda weerar xooggan oo shalay shaqaale Ajaanib shiinays ah lagula beegsaday lagula beegsaday gobolka Lamu ee dalka Kenya.
Weerarka oo ka dhacay inta udhaxaysa deegaanda Hindi iyo Mala Hooy ayaa sababay in lagubo laba gaari oo ay laheyd shirkad dhanka dhismaha qaabilsan kuwaas oo kala ahaa Wiish iyo booyad.
Taliska ciidanka Al Shabaab wuxuu sheegay in weerarkan uu ka dhacay meel ku dhow saldhigga Camp Simba ee ciidamada Mareykanka uga suganyihiin gacanka Manda Bay dalka Kenya.
Irungu Macharia oo ah taliyaha booliska gobolka Lamu ayaa warbaahinta u xaqiijiyay in ciidamadoodu ay dagaal lagaleen xoogag katirsan Al Shabaab, wuxuu carabaabay in ragga weerarka qaaday ay gubeen 2 gaari oo qeyb ka ahaa mashruuca dhismaha ee dowladda Kenya gacanta ku hayso.
Weerarkan ayaa imaanaya bil kadib markii uu dhacay weerarkii askarta Americanka ah lagu laayay ee ka dhacay isla gobolka Lamu.
About The Author
