Wargeyska Washington Post oo soo xiganaya mas’uuliyiin katirsan Sirdoonka Mareykanka ayaa daabacay in Max’med Bin Salmaan uu ahaa Ninka soo agaasimay qorshahii lagu dilay Saxafi mucaarad ah.
Warbixintan cusub ayaa sheegaysa in Safiirka dowladda Sacuudiga ufadhiya wadanka Mareykanka uu xiriir Taleefan lasameeyay Wariyaha ladilay kuna wargeliyay in warqado aqoonsi oo sugaya in uu yahay muwaadin Sacuudiyaan ah ka doonan karo qunsuliyadda Aala Sacuud ee magaalada Istanbul halkaas oo noqotay meeshii lagu gowracay Jamaal Khaashuqji.
Ilo wareedyo katirsan CIA ayaa Washington Post u sheegay in Bin Salmaan uu ahaa Ninkii soo agaasimay dilka Saxafigan mucaaradka ah waxayna ku baaqeen in lala xisaabtamo madaxda kiiskan ku lugta leh.
Caddeymahan ka yimid sirdoonka Mareykanka ayaa kusoo aadaya xilli Khamiistii lasoo dhaafay ay dowladda Sacuudiga xaqiijisay in si bareer ah loo dilay Wariye Jamaal Khaashuqji kadibna Meydkiisa lagu dhax jarjaray Qunsuliyadda magaalada Istanbul.
Madaxda dowladda Sacuudiga ayaa wajahaya cadaadisyo siyaadeed oo uga imaanaya dowladaha reergalbeedka waxayna madaxdani ku fadexadoobeen warar been ah oo ay ka sheegeen kiiska qaabkii loo dilay Khaashuqji.
About The Author
