Magaalada Khartuum oo ah caasimada dalka Suudaan waxaa warar soo baxaya ay sheegayaan in bililiqo hantiyeed oo qorsheysan ay martigelineyso magaaldaasi sanad uun kadib markii halkaas ay isaga baxen maleyshiyaatka RSF oo lagu eedeynayay inay masuul ka yihiin dhacdooyinka noocan ah.
Sida laga soo warinayo dad goobjoogayaal ah, xaafado ka mid ah caasimadda ayaa isku baddalay suuqyo furan oo lagu iibiyo hanti la dhacay, iyada oo aan jirin cabsi laga qabo isla xisaabtan ama dabagal.
Dhacan baahsan oo lagu sheegay mid lasoo abaabulay ayaa sidoo kale saameysay qidaacyo kale oo la xiriira kaabeyaasha dhaqaalaha.
Taqaariir iyo warbixino gudaha ah ayaa muujinaya in shakhsiyaad xiran darees ciidan ama amni lagu tuhunsan yahay inay qayb ka yihiin bililiqada, si toos ah ama si dadban.
Shakhsiyaadkaas ayaa bixiya ilaalin, fududeyn iyo ka qaybgal toos ah oo ku aadan dhaca sii baahaya ee laga soo diiwaangeliyay gudaha magaalada Khurtuum.
Qaar kamid ah dadka sida dhow ula socda arimahan waxay sheegeen in falalka dhaca ah mararka qaar loo dhigo sida ol’oleyaal amni, halkaas oo lagu sheego in lagu baarayo unugyo qarsoon, balse ay dhabta howlgalladaas ay tahay la wareegida hanti shacab.
Khubaro ayaa ku tilmaamay bililiqada mid xargaha goosatay oo sii wiiqeysa amniga, waxayna si isku mid ah u saameyneysaa ayey yiraahdeen dadka rayidka iyo barakacayaasha.
About The Author
