Wararka ka imaanaya gudaha waddanka Maraykanka ayaa sheegaya in toogasho cusub oo ka dhacday bartamaha waddankaas, lagu beegsaday dhisme mashquul badan oo kuyaal magaalada Des Moines.
Inta la ogyahay waxaa toogashadan oo si gaar ah kaga dhacday jidka 53-aad ee magaalada Des Moines lagu dilay labo qof oo Ameerikaan ah, halka sidoo kale uu dhaawac daran soo gaaray mid kale.
Saraakiisha booliska saliibiyiinta Maraykanka ee gobolka ayaa xaqiijiyay dhacdadan, sida uu bartiisa gaarka ah ee Twitteka kusoo daabacay taliyaha ciidanka booliska ee magaaladan oo sidoo kale xarun u ah gobolka Iowa ee dhaca galbeedka bartamaha waddanka Maraykanka.
Dhaawaca qofka 3-aad ayaa lasoo wariyay in la dhigay cisbitaallada maxalliga ah ee magalada, iyadoo uu kala carar ku dhacay dadkii Ameerikaanka ahaa ee ku sugnaa nawaaxiga dhismaha ay toogashadu ka dhacday.
Dhankooda kooxaha gurmadka deg degga ah ayaa soo sheegay in marka hore mid ka mid ah qolalka dhismaha ay toogashadu ka dhacday ay ka heleen dhaawacyada illaa 2 qof oo loo badinayo inay yihiin kuwa dhintay, wallow aysan bixin faahfaahin dheeraad ah.
Toogashadan ka dhacday galbeedka bartamaha waddanka Maraykanka ayaa kusoo beegmaya, iyadoo toogasho ay ku dhinteen ugu yaraan 5 qof oo Kanadiyaan ah ay ka dhacday magaalada Toronto ee waddanka Kanada.
About The Author
