Wararka ka imaanaya dhulka barakaysan ee Filistiin ayaa sheegaya in weerar toogasho ah oo ka dhacay mid ka mid ah magaalooyinka aadka loo ilaaliyo ammaankooda ee uu xooggan ku haysto maamulka sahyuuniyadda, kaas oo lagu dhaawacay 5 ka mid ah Yahuudda xoogga lagu dajiyay Tal’abiib.
Weerarkan toogashada ah oo uu fuliyay qof muslim Filistiini ah oo aad u hubeysan ayaa si gaar ah kaga dhacday meel u dhow dhisme maqaaxi oo kutaal bartamaha magaalada Tal’abiib, halkaas oo uu weeraryahanku kula xisaabtamay dad Yahuud ah oo ku sugnaa goobtaas.
Sarakiisha caafimaadka ee cisbitaalka Tal’abiib ayaa warbaahinta maamulka la magac baxay Israa’iil ee Yahuudda u sheegay in toogashadaas ay ku dhaawacmeen 5 qof oo Yahuud ah kuwaas oo 2 ka mid ah ay xaaladdoodu tahay mid halis ah.
Kooxaha wax iska caabinta Xamaas ayaa sheegtay masuuliyadda weerarkan toogashada ah, waxayna bayyaan ay soo saareen ku sheegeen in toogashadaas uu fuliyay Saalax al-Khawaaja oo (23) jir ahaa, ahaana maxbuus laga soo furtay magaalada Ni’lin ee dhacda galbeedka Ramallah, waxayna weerarkan toogashada ah ku tilmaameen in uu jawaab celin deg deg ah u yahay gabood-fallada ay yahuuddu ka waddo daanta galbeed ee gumeysyiga ku hoos jirta.
About The Author
