Maktabka warfaafinta ee Xarakada Mujaahidiinta Al-shabaab ayaa warsaxaafadeed rasmi ah oo uu soo saaray looga hadlay damaca gurracan ee xabashida ee ku aaddan qaadashada badda Soomaaliyeed, xilli maanta kooxda Riddada ay Muqdisho kusoo dhaweysay ra’iisul wasaaraha dowladda xabashida, Abiy Axmed.
Warsaxaafadeedka xafiiska warfaafinta mujaahidiinta waxaa nuqul ka mid ah lagu yiri: Xarakada Mujaahidiinta Al-Shabaab, waxay si cad oo aan gabbasho lahayn u diideysaa qorshe waliba oo la doonayo in Itoobiya loogu sharciyeeyo taako ka mid ah xeebaha dhulka Soomaaliya. Jihaadkii ay awooweyaasheen galeen, sida Imaam Axmad Gurey, Sheekh Bashiir, Sheekh Xasan Barsane, iyo Sayid Maxamed Cabdulle Xasan, ayaa ahaa midkii hor istaagay inay Itoobiya xaqiijiso yoolkii ay ka lahayd geeska Afrika. Xarakada Mujaahidiinta Al-Shabaab waxay – Allaah idamkiis – ku taagnaan doontaa dhabbahaas, Iyadoo la dagaalameysa saliibiyiinta Itoobiya kana difaaceysa diinta, dalka, sharafka iyo hantida dadka Soomaaliyeed ee Muslimiinta ah.”
Xarakada Shabaabul Mujaahidiin waxay bogaadisay weerarkii madaafiicda ahaa ee ciidamada mujaahidiintu ay ku garaaceen garoonka diyaaradaha ee magaalada Muqdisho, xilli halkaas uu kasoo degayay ra’iisul wasaaraha dalka Itoobiya saliibiga lagu magacaabo Abiy Axmed, waxay sidoo kale xarakadu bogaadisay weerarkii cagmarinta ahaa ee saaka mujaahidiintu ku qaadeen saldhigyada murtadiinta ee degmada Balcad ee wilaayada Sh/dhexe.
Waxay Xarakadu sheegtay in weeraradan Weeraradan Allaah fadligiis- baajiyeen xaflad la filayey in loo qabto imaanshaha Abiy Axmad iyo booqasho xubno kamid ah wafdigiisa ku doonayeen inay ku tagaan degmada Balcad oo ka mid ah dhulka Soomaaliyeed ee ay xabashidu sheegato.
Ugu dambayn waxay mujaahidiintu baaq u direen umadda Soomaaliyeed ee muslimiinta ah, kuwaas oo loogu baaqay inaysan marnaba wanaag ka sugin maamullada Riddada ah ee diintooda, sharaftooda iyo dhulkooda ka iibsaday
saliibiyiinta ee u gogol-xaaraya, hormuudna ka ah inay xabashidu qabsato bariga Afrika, gaar ahaan xeebaha Soomaaliya. waxay sidoo kale xarakadu sheegtay in madaxda murtadiintu yihiin kuwii hore Itoobiya ugu wareejiyey qaar kamid ah dekadaha muhiimka ah ee Soomaaliya, hadana u hanqal-taagaya inay iibsadaan inta soo hartay.
Halkan Ka Degso Warsaxaafadeed.
Ama Hoos Ka Akhriso.
About The Author
