Wararka ka imaanaya gobolka Bay ayaa sheegaya in qarax xooggan lala eegtay kolonyo ciidamo Xabashi Itoobiyaan ah oo kasoo amba baxay magaalada Baydhabo kunasii jeeday dhanka degmada Buurhakaba.
Qaraxa ayaa haleelay gaari Uuraal ah oo ay la socdeen ciidamo Itoobiyaan ah waxaana jira khasaara dhimasho ah oo gaaray ciidamada qaraxa lala beegsaday, warar lagu kalsoonyahay waxay sheegayaan in gaariga Uuraalka ah ee qaraxu haleelay uu gabi ahaantiisba burburay.
Dhinaca kale qarax khasaara dhaliyay ayaa maleeshiyaad katirsan dowladda Federaalka Soomaaliya lagula beegsaday inta udhaxaysa deegaannada Dhanaane iyo Jaziira.
Dadka deegaanka ayaa sheegay in qaraxu uu burburiyay gaari Jeemis ah oo uu saarnaa qoriga Soomaalidu Zuugga u taqaan, wadada xeebta ah ee xiriirisa magaalooyinka Marka iyo Muqdisho ayaa bilihii dambe masrax u aheyd dagaallo iyo qaraxyo ka dhan ah ciidamada dowladda iyo kuwa AMISOM.
About The Author
