Ciidamada Xarakada Mujaahidiinta Al-Shabaab ayaa weerar kamiin ah waxay u dhigeen ciidamo iyo saraakiil katirsan kuwa Bankrafta oo ah ciidamo si gaar ah u tababaran oo uu ku shaqeysto Maraykanka.
Askarta kamiinka loo dhigay waxaa watay Cabdi Cali oo ah taliyaha qeybta saadka ee ciidamada Bankrafta, waxaana ciidamada Mujaahidiinta ku guuleysteen iney goobta ku dilaan taliyaha iyo sarkaal kale oo aan magaciisa helin.
Kamiinka ayaa ka dhacay inta u dhexeysa Warxaman iyo degmada Wallaweyn ee gobolka Shabeellaha hoose, waxaana sidoo kale jira dhimashada labo askari oo la socotay Taliyaha.
Xarakada Mujaahidiinta Al-Shabaab ayaa sheegatay mas’uuliyadda kamiinkan dhaliyay khasaaraha adag, waxaana mudooyinkii dambe Xarakada Mujaahidiinta Al-Shabaab ay sii kordhisay weerarada sida gaar ah ugu beegsaneyso ciidamada Bankrafta ee daacadda u ah Maraykanka.
Dhanka kale Qarax xoogan ayaa ka dhacay qeybo ka mid ah deegaanka Ceelasha biyaha ee duleedka Muqdisho kaasi oo lala beegsaday maleeshiyaatka dowladda Ridada.
Qaraxa oo ahaa mid xoogan waxaa lala eegtay askar joogtay isgoyska, kuwaas oo ay waxyeello soo gaartay, waxaana markii dambe qarax labaad lagu weeraray ciidamo kale oo gurmad ahaan u yimid.
Inkastoo la heynin khasaaraha rasmiga ah ee ka dhashay qaraxyadan, hadana waxaa jira khasaare dhimasho iyo dhaawac ah oo ka dhashay qaraxyadan.
About The Author
