Ciidanka mujaahidiinta Daalibaan Pakistan ayaa fuliyay howlgallo kala duwan oo lagu laayay saraakiil iyo askar ka tirsan ciidamada dowladda dabadhilifka ah ee Pakistan, iska hor’imaadyada koowaad ayaa ka dhacay mandiqadda Khudi ee hoostaga Tehsil Mir Cali oo si gaar ah u dhacda Waqooyiga Waziristan, halkaas oo dagaallo culus ay ku dhexmareen ciidamada mujaahidiinta iyo ciidamo ka tirsan kuwa Riddada Pakistan.
Mujaahidiintu waxay xaqiijiyeen in dagaalladii ay la galeen murtadiinta Pakistan ay ku dileen ugu yaraan lix sarkaal oo tirsanaa ciidamada xukuumadda dabadhilifka ah ee Islamabaad.
Weerarka labaad oo ahaa mid ay soo qaadeen ciidamo ka tirsan Riddada dalka Pakistaan ayaa ka dhacay deegaanka Shirkera oo hoostaga magaalada Piashawar, halkaas oo ay ciidamada mujaahidiinta si adag uga hortageen isku dayga murtadiinta, waxay mujaahidiintu sheegeen inay fashiliyeen weerarkaasi ay soo qaadeen murtadiinta, ayna halkaas kaga dileen 3 sarkaal oo ka mid ahaa saraakiishii hoggaaminayay dagaalka.
Howlgalka saddexaad oo ahaa mid gaar ah waxay ciidamo ka tirsan mujaahidiinta ku dileen sarkaal saee oo ka tirsan ciidanka booliska, kaasi oo lagu magacaabi jiray Maxammed Afdali, howlgalkan toogasho ayaana ka dhacay deegaan dhaca duleedka magaalada Kuwaynta oo ah magaalada ugu wayn gobolka Balochistan.
About The Author
