Kooxda Riddada Somalia, ayaa saaka garoonka diyaaradaha caalamiga ah ee magaalada Muqdisho markale ka celisay xildhibaano ka tirsan baarlamaanka Riddada, xilli ay kusii jeedeen magaalada Baydhaba.
Xildhibaannada saaka laga hor istaagay inay ka duulaan garoonka Muqdisho waxaa ka mid ah Maxamed Sh Cabdullaahi Ciirow oo ka tirsan golaha dawaaqiidda, kaasoo lasoo wariyay in maleeshiyada Nisa ee sirdoonka Riddada ay u sheegeen in aan loo oggolayn in uu raaco diyaarad xilligaas ka duulaysay garoonka kuna jeeday dhanka deegaannada maamulka Laftagareen.
Tallaabadan oo qayb ka tahay khilaafka u dhaxeeya madaxda kooxda Riddada iyo kuwa maamul goboleedka ashahaada la dirirka ah ee Koonfur-galbeed, ayaa buuq ka dhalisay kulan ay maanta yeesheen xildhibaannada Riddada.
Xildhibaanka kooxda Gurguurte ka hor istaagtay in uu ka duulo garoonka iyo xubno kale ayaa buuq xooggan ka dhaliyay fadhigii ay maanta lahaayeen xubnaha golaha dawaaqiidda murtadiinta, muuqaallo kala duwan oo lagu faafiyay baraha bulshada ayaa muujinayay buuqa iyo sawaxanka hareeyay kulanka dawaaqiidda.
Kooxda Riddada ayaa horay garoonka Muqdisho uga hor istaagay xildhibaanno kale oo kusii jeeday magaalada Baydhaba, waxayna arimahaaasi oo idil qayb ka yihiin khilaafka ka dhexeeya maamullada Muqdisho iyo Baydhaba, kuwaas oo isku fahmi waayay arrimaha doorashooyinka, Laftagareenna uu doonayo in uu qabsado mid u gaar ah, halka Gurguurtena uu doonayo in uu abaabulo mucaaradka maamulkaasi, si ay u carqalaadeeyaan doorashada uu wato Laftagareen.
About The Author
