Dad Kenyaan Ah Oo Lagu Dilay Gudaha Degmada Dhoobleey Ee Gobollada Jubbooyinka.

Ciidamo Katirsan Xarakada Al Shabaab ayaa gudaha degmada Dhoobleey ku dilay sedax qof Kenyaan ah oo u shaqeynayay shirkado ay leedahay dowladda Kenya.

Goob joogayaal ayaa sheegay in dadka ladilay oo ahaa Injineerro ciidanka melleteriga Kenya la shaqeynayay ay toogteen rag bastoolado ku hubeysan kadibna si nabad gelya ah goobta uga dhaqaaqay.

War Rasmi ah oo kasoo baxay xarakada Al Shabaab ayay ku sheegatay Mas’uuliyadda weerarka ka dhacay degmada Dhoobleey ee lagu dilay sedaxda qof ee Kenyaanka ah “Sedax qof Nasaaro Kenyaan ah oo la shaqeynayay ciidamada melleteriga Kenya ayaa lagu dilay weerar ay Mujaahidiintu ka fuliyeen bartamaha degmada Dhoobley” ayaa lagu yiri war kasoo baxay Al Shabaab.

Wararka ayaa intaasi ku daraya in dadka Kenyaanka ah ee ladilay ay ahaayeen injineero dhanka dhismaha uqaabilsanaa melleteriga Kenya ee saldhigyada ku leh degmada Dhoobleey iyo deegaanada kale ee Xuduud beenaadka ku teedsan.