Wadanka Yemena wararka ka imaanayo ayaa sheegaya in kooxo hubeysan oo aan heybtooda la garaneyn ay toogteen sarkaal katirsan sirdoonka xukuumada Haadi Mansuur, xilli uu ku sugna mid kamid ah xaafadaha magaalada Cadan oo dhacda koofurta wadankaasi.
Sarkaalka la dilay ayaa magaciisa lagu sheegay Sareeye guuto Naasir Maqriixi, waxaana lagu toogtay xaafada Khoor Miksar oo katirsan magaalada Cadan, xilli uu kusii socday Hoygiisa oo halkaas ku yaala.
Dadka deegaanka ayaa sheegay in raga dilka geystay ay ku hubeysnaayeen Bastooladaha aan dhawaqooda la maqal, si tartiib ahna ay kaga dhaqaaqeen goobta, kadib markii ay falkan dilka ah geysteen.
Sareeye Guuto Naasir Maqrixi ayaa horey uga badbaaday isku day dil o lala damacsana, sanadkii 2014ka, xilligaas oo lala beegsaday qarax miino oo gaarigiisa loogu xiray, kaas oo uu kugeeriyooday wiil uu dhalay oo xiliga la socday.
Ilaa hada majirto cid sheegatay Masuuliyada weerarkaan balse Mujaahidiinta Ka dagaalama wadanka Yemen ayaa inta badan ka fuliya magaalooyinka waaweyn ee wadankaasi, weeraro Igtiyaalaad ah oo ay ku beegsanayaan Madaxya weynta Murtadiinta, halka sidoo kalena ay jiraan dilal qorsheysan oo cadawga dhexdiisa ay isku beegsanayaan, kuwaas oo salka ku haya khilaaf u dhexeeya Saraakiisha xukuumada uu hogaamiyo Cabdi Rabi Mansuur iyo Maleeshiyaadka uu Imaaraatku Tababaray ee ku sugan magaalooyinka dhaca koofurta wadanka Yemen.
Dilkan sarkaalkan katirsanaa sirdoonka dowlada Yemen ayaa kusoo aadaya Maalin kadib markii Madaxweyne Haadi Mansuur uu si adag kaga hadlay xaalada Amni Xumo ee kajirta Magaalada Cadan iyo dilalka qorsheysan ee kusoo badanaya, taas oo ay sii dheertahay Isku xir la,aanta heysata hey’ada qaabilsan Sugida amniga oo uu sheegay inay ka gaabiyeen gudashada waajibaadkii ay dowlada u Igmatay.
Wixii ka danbeeyey Bishii July sanadki 2015ka, xiligaas oo gacan ku heynta magaalada Cadan lagala wareegay Maleeshiyaadka Xuuthiyiinta oo xiligaas isku balaarinayey wadanka Yemen, ayay magaaladani marti galisay, dilal qorsheysan, qaraxyo iyo afduub, kuwaas oo dhamaantood beegsanaya, xarumaha dowlada, Saraakiisha sirdoonka, kuwa ciidanka,Qaadiyaasha iyo imaamyada Masaajida magaalada Cadan.
Ugu yaraan 7 weerar oo kala duwan ayaa ka dhacay magaalada Cadan 3dii isbuuc ee lasoo dhaafay, weeraradaas oo 5 kamid ah lagu dilay saraakiil ka ag dhawaa madaxweyne cabdi Rabi Mansuur.
Xog aruurin la sameeyey ayaa sheegeysa in Magaalada Cadan ay labadii Sano ee lasoo dhaafay ka dheceen wax kabadan 400 oo dilal qorsheysan ah, dhamaantoodna waxa ay beegsanayeen, Saraakiil ciidan, xubno katirsan maamulka hoose ee dowlada iyo kuwa Bulshada Rayidka, Culimaa’udiin iyo dhalinyaro, inta badan dilalkaana waxa lagu eedeynayaa inay ka danbeeyaan Maleeshiyada uu Imaaraatku tababaray ee ku sugan gobolada dhaca koofurta iyo galbeedka wadanka yemen.
About The Author
