Sanataro ka tirsan xisbiyadda Jamuuriga, iyo Dimuquraadiga ee ku jira golaha Congareeska Maraykanka ayaa ku sifeeyay wax aan caqliga galikarin sida ay dowladda Sacuudiga u qiratay dilkii ay u geysteen Wariye Jamal Khaashuqji, kaasi oo lagu dhex dilay gudaha Qunsuliyadda Sacuudiga ee ku taallo magaalada Istanbuul ee dalka Turkiga.
Sanatarka Xisbiga Jamuuriga ee lagu magacaabo “Linsi Garaaham” oo ugu cad cad Sanatarada xulufada la ah Madaxweyne Mareykanka Donald Trump ayaa sheegay in uu si weyn uga shakisan yahay qaabka ay Dowladda Sacuudiga u faahfaahisay dilka Wariye Jamaal Khaashuqji.
Waxaa uu sheegay in loo baahan yahay in baaritaan dheer la sameeyo si xaqiiqada dhabta ah loo gaarro.
Xubnaha Congareeska ayaa sidoo kale sheegay in aan la rumaysan Karin hadalka Dowlada Sacuudiga ka soo yeeray ee ah in Wariyaha lagu dilay qaab gacan ka hadal ah, taasoo ay sheegeen in aysan suuragal aheen .
Waxay intaasi ku dareen in Dowladda Sacuudiga ay muddo ka meer meertay in ay arrintaani ka hadasho balse sida ay hada arrintaani u wajahday aan lagu kalsoonaan Karin, islamarkaana wali dowladda Sacuudiga ay xaqiiqada qarinayso.
Kiris maafi oo ka mid ah Sanatarada Xisbiga Dimuquraadiga ayaa sheegay in Congareesku uusan marnaba aqbali Karin qirashada Dowlada Sacuudiga, isagoo hoosta ka xariiqay in Xukumadda Sacuudiga waxyaabha ay ka sheegtay dilka Khaashuqji aan la aamini Karin maadaama muddo 2 isbuuc ay dafiraysay arrintaasi .
Ugu danbeeyntii xubnaha golaha Congareeska Maraykanka ayaa ugu baaqay Madaxweynha Maraykanka in uu hakiyo xiriirka ay Maraykanka uu lala leeyahay Dowlada Sacuudiga .
Arrintaani ayaa ku soo aadaysa xili Dowladda Sacuudiga ay sheegtay in Wariye Jamaal Khaashuqji lagu dhex dilay Qunsuliyadda Sacuudiga ee magaalada Isbuul,ka dib markii uu gacan ka hadal dhex maray Saraakiil Sacuudiyaan ah iyo wariyah taasoo keentay in gacan ka hadlkaasi uu u dhintay wariyaha .
Hadalka ka soo baxay Sacuudiga ayaa shaki badan ku abuuray Dowladda badan oo cilaaqo la lahaa Sacuudiga oo ay ka mid yihiin Dowladdaha Reer galbeedka kuwaasi oo rumaysan qaabka loo dilay Wariyaha ay Dowladda Sacuudigu wali ka run sheegin .
About The Author
