Warar dheeraad ah ayaa kasoo baxaya weerar lagu dilay Askar American ah, kuwa kalena lagu dhaawacay oo ka dhacay gudaha magaalada Kabul oo ah caasimada wadanka Afghanistan.
Weerarka uu fuliyey Askari katirsana ciidanka military-ga Xukumada Afghanistan ayaa la sheegayaa inuu beegsaday Askar iyo Sarakil American ah oo ku sugna mid kamid ah saldhigyada military oo ay ku leeyihin magalada Kabul.
Pentagon-ka mareykanka ayaa qirtay dhimashada 1 Askari oo ciidankooda katirsan iyo dhaawaca mid kale, balse war kasoo baxay imaarada ayaa lagu sheegay in khasaaraha uu intaas ka badan yahay, cadawgana ay isku dayaan inay mar kasta qariyaan, khasaaraha kasoo gaara dagaalka ka soconaya gudaha wadankaasi.
Imaaradu waxa ay tiri howl galka waxaa fuliyey Askari Afghani ah oo leh damiir nool, askariga noocaas ahna marka uu fulinayo howl gal geesinimo sida midkan oo kale, waxa uu bixiyaa diyaar garow dheer, isagoo beegsada tirada ugu badan ee askar American ah, si uu wax yeelo xoogan u gaarsiiyo, warka imaaradana waxaa adkeynaya war kasoo baxay dowlada mareykanka oo lagu sheegay in askari ay toogteen askar kale oo katirsan militaryga Afghanistan, taas oo muujineysa in wax yeela xoogan ay soo gaartay askarta mareykanka ayna awoodi waayeen inay iska difaacaan howl galka halyeynimo.
Warka kasoo baxay imaarada ayaa lagu yiri, waxaan aad u qadarineyna howl galka geesinimo ee uu fuliyey Askarigan geesiga ah, waxaana baaq u direyna askarta kale ee safka ciidanka ku jira, inay ka faaideystaan fursada qaaliga ah ee ay heystaan xabadoodana ay u jeediyaan dhanka gumeystaha kusoo duulay wadankeena, si ay u gaaraan Cizzi iyo taarikh lagu faano intaba, iyagoo beegsana meelaha uu cadawgu ka xanuunsanayo.
Warar kale oo laga helayo dhanka wadanka mareykankana waxa ay sheegayaan in Askariga lagu dilay magalada Kabul uu ahaa sarkaal sare oo katirsan ciidanka military mareykanka, kaas oo la sheegay inuu heystay darajada Gaashaanle, horeyna usoo noqday gudoomiyaha magaalo katirsan gobolka Utah ee dhaca woqooyiga dalka mareykanka.
TV-ga Fox news ee laga leeyahay dalka Mareykanka ayaa sheegay in Sarkaalkan lagu magacaabo Brent Taylor, horeyna uu uga tirsana ciidanka ilaalada qaranka mareykanka ilaa sanadki 2013ka, kadibna uu noqday gudoomiyaha magaalada Ogden oo katirsan gobolka Utah, isagoona shaqada isaga tagay dhamadki sanadka 2017ka, xiligaas oo uu dib ugu noqday ciidanka military-ga, wuxuuna wadanka Afghanistan yimid bishi January ee sanadkan, halkaas oo ugu danbeyn lagu dilay.
Brent Taylor ayaa kujiray da’da 50 meeyo, waxa uuna ku biiray ciidanka mareykanka isagoo, 18 sano jir ah sida laga soo xigtay eheladiisa, sidoo kalena waxa uu ahaa aabe dhalay 7 caruur ah.
About The Author
