Khasaara dhimasho iyo dhaawac ah ayaa ka dhashay dhisme kusoo dumay dad shaqaalaha ah gudaha magaalada Beled Weyne ee bartamaha dalka Soomaaliya.
Wararka ka imaanaya gobalka Hiiraan ayaa sheegaya in ugu yaraan laba qof ay dhinteen laba kalane ay dhaawacmeen kadib markii darbi shub ka sameysan uu kula soo dumay galbeedka magaalada Beled Weyne.
Dadka dhintay iyo kuwa dhaawacmay ee darbiga kusoo dumay waxaa ku jira dad dalaal ka ahaa kala iibinta xoolaha nool,darbiga soo dumay waxa uu ku yaalaa suuqa lagu iibiyo xoolaha nool ee magaalada Beledweyne.
goob joogayaal ayaa sheegay in lala’yahay laba qof oo loo malaynayo in ay ku hoos xanibanyihiin burburka hoostiisa,iyadoona dadkii dhaawacmay la dhigay isbitaalka magaalada Beledweyne.
About The Author
