Maleeshiyaad murtadiin ah oo kooxda Riddada usoo hubeysan inay boobaan dhulal ay degganyihiin dad shacab ah oo kuyaal xaafadda Warlaliska ee degmada Dayniile ee magaalada Muqdisho, ayaa iska caabin adag kala kulmay dadka deegaanka.
Iska hor’imaadka oo dhacay shalay, ayaa si gaar ah u dhexmaray dadka deegaanka iyo maleeshiyaad dhul boon u socday, kuwaas oo uu watay sarkaal ka tirsan Booliiska Riddada, dagaalka ayaana yimid markii ay maleeshiyada Riddadu jirdil u gaysteen dad shacab ah.
Dadka deegaanka, ayaa si adag isaga caabiyay gardarada maleeshiyaadka murtadiinta, waxayna wararku sheegayaan in maleeshiyaadka Riddada ay hal gaari uga carareen goobihii la isku fara saaray, kaasi oo sawirkiisa lagu baahiyay baraha bulshada.
Oday waayeel ah oo ay jirdil u gaysteen iyo dad kale ayaa ka warbixiyay dhibaatooyinka ay maleeshiyadaasi kula kaceen dadka shacabka ah.
Maleeshiyaadka murtadiinta, ayaa maalmihii u dambeeyay sar u qaaday dhul boobka ay ka wadaan magaalada Muqdisho iyo duleedkeeda, iska hor’imaadka ka dhacay Dayniile ayaa qayb ka ah diidmada ay dadka shacabka ah ka muujinayaan burburinta dhulalka ay degganyihiin.
About The Author
