Wararka ka imaanaya magaalada Gaalkacyo ee gobolka Mudug ayaa sheegaya in dagallo u dhaxeeya maleeshiyaad hubaysan ay barqadii maanta ka dhaceen gudaha magaaladaasi waxaana lasoo warinayaa khasaaro isugu jira dhimasho iyo dhaawac.
Maleeshiyaadka dagaallamay ayaa isku haysta dhul waxuuna dagaalka si gaar ah uga dhacay saldhiga dhexe ee dagmada Gaalkacyo.
Inta laxaqiijiyay labo ruux ayaa ku dhintay dagalladaasi, halka ay sidoo kale jirana dhaawacyo soo gaaray dad kale oo shacab ah oo goobta ka ag dhawaa.
Xiisaddan u dhaxaysa labadaan maleeshiyo ayaa soo taagnayd muddo maalma ah waxayna isku hor fadhiyaan xaafado ka tirsan dagmada Gaalkacyo.
Maalinkii sabtida ayaa isku dhacyo dhaxmaray labada dhinac waxaa ku dhintay seddex qof waxaana ku dhaawacmay afar kale.
Deegaannada ay ka arrimiyaan maamulada Riddada ah ee dalka ka jira ayaa had iyo jeer waxaa ka dhaca dagaallo dhaxmara maleeshiyo hubaysan kuwaas oo badanaa isku qabta dhulalka.
About The Author
