Warar kala duwan ayaa kasoo baxaya qaraxyo is xigxigay oo maanta ciidamada shisheeyaha AMISOM lagula eegtay gudaha magaalada Jalalaqsi ee gobolka Hiiraan.
Qarax maanta duhurkii ciidamada Jabuuti ku haleelay galbeedka magaalada Jalalaqsi ayey wararku sheegayaan in ugu yaraan 2 askari ay ku dhinteen halka tira kale ay ku dhaawacmeen.
Goob joogayaal ahaa warbaahinta u sheegay in Miino dhulka lagu aasay ay ku qaraxyada gaari nuuca dagaalka ah, wararka ayaa intaas ku daraya in diyaarad melleteri ay kusoo degtay garoonka Macmalka Jalalaqsi waxayna ka daabushay Meydad iyo dhaawacyo.
Sidoo kale qarax kale oo aan la ogeyn khasaaraha ka dhashay ayaa isla ciidamada Jabuuti lagula beegsaday magaalada Jalalaqsi, Xarakada Al Shabaab ayaa sheegatay mas’uuliyadda qaraxyada ciidamada Jabuuti lagula beegsaday gobolka Hiiraan.
Illaa iyo hadda wax war ah kamasoo bixin taliska ciidamada Jabuuti ee duullaanka ku jooga degmooyin katirsan gobolka Hiiraan waxayna qaraxyada imaanayaan xilli Ismaaciil Cumar Gelle uu ciidamadiisa ku sugan Soomaaliya ku amray in aysan wax dhaq dhaqaaq ah sameyn.
About The Author
