Dhaq-dhaqaaqyo ciidan oo aad uxooggan ayaa lagasoo sheegayaa deegaanno kaabiga ku haya magaalada Baydhabo ee gobolka Baay xilli ay sii xoogeysanayaan isku dhacyada hubaysan ee dhinacyada udhaxeeya.
Wararka ka imaanaya gobolka Baay ayaa sheegaya in mas’uuliyiin horay uga tirsanaa maamulka Ashahaadda ladirirka Koonfur Galbeed ay ka baxeen magaalooyinka Qansaxdheere iyo Baydhabo ayna ugaleen dhanka maleeshiyaadka daacadda u ah Laftagareen.
Nin lagu magacaabi Cabdiwahaab oo ahaa xildhibaan katirsan golaha dawaaqiidda Koonfur Galbeed ayaa gaaray jiidda dagaalka ee banaanka Baydhabo,sidoo kale taliyihii booliska degmada Qansaxdheere iyo 50 askari oo la socday ayaa ku biiray maleeshiyaadka Laftagareen.
ilo wareedyo ayaa sheegaya in mucaaradka hubaysan ay wadaan hub aruursi iyagoona mararka qaar gudaha usoo galo magaalada Baydhabo.
Ugaas Xasan oo ah afhayeenka Laftagareen ayaa kamid ah saraakiisha soo gaaray banaanka Baydhabo wuxuuna jeediyay kalimad uu ugu goodinayo maleeshiyaadka kooxda Riddada ee bilo ka hor qabsaday magaalada,wuxuu sheegay in ay awood ciidan kusoo ceshan doonaan maamulkii lagala wareegay.
Arrimahan ayaa imaanaya xilli kooxda Riddada Soomaaliya ay ku mashquulsantahay sidii ay Aadan Madoobe ugu caleema saari laheyd in uu noqdo madaxweynaha cusub maamulka ay cam-camisay magaalada Baydhabo.
About The Author
