Markii ugu horraysay tirakoob rasmi ah oo soo baxay ayaa muujinaya lacagaha uu hoggaanka kooxda Riddada Soomaaliya ka sameeyay dhulboobka baaxadda leh ee ka socda magaalada Muqdisho iyo nawaaxigeeda.
Warsaxaafadeed kasoo baxay golaha isugu yeeray Baarlamaanka Xorta ah ayaa lagu sheegay in Xasan Gurguurte uu lacag ku dhow 1 Bilyan oo Dollar ka sameeyay xaraash-ka dhulalka danta guud iyo kuwa dadweynaha.
Xildhibaannada dawaaqiidda baarlamaanka waqtigiisu dhacay ayaa qoraalkooda ku muujiyay in madaxa kooxda Riddada uu weli u oomanyahay dhulboob iyo dhaca hantida shacabka gobolka Banaadir iyagoona digniin culus soo saaray.
“Madaxweynaha waqtigiisu dhammaaday wuxuu lacag dhan 850 milyan oo Dollar ka sameeyay dhulboobka magaalada Muqdisho isagoona lacagtaas ku shubtay akoonno gaar ah” ayaa lagu yiri warka kasoo baxay golaha isugu yeeray baarlamaanka Xorta ah.
Dhinaca kale waxay saadaaliyeen in 2 kamid ah maamul goboleedyada ashahaadda ladirirrada ah ee ka jira Soomaaliya ay qorshaynayaan gooni ugoosad ay uga madax banaanaanayaan Soomaaliya inteeda kale.
“Somaliland ayaa horay ugu dhawaaqday gooni ugoosad,maamullada Puntland iyo Jubbaland iyana waxay qaadi doonaan dhabbahii Somaliland sababa laxiriira halista uu abuuray Xasan Sheekh Maxamuud” ayay sii raaciyeen warsaxaafadeedka.
Arrintan ayaa kusoo aadaysa xilli xiisado siyaasadeed ay ka jiraan Muqdisho islamarkaana uu Xasan Gurguurte dhammeystay Afartii sano ee golaha dawaaqiiddu horay ugu asteeyeen.
Boqolaal kun oo kamid ah shacabkii dhulalkooda laboobay ayaa banaanyaal ku ah duleedka Muqdisho waxaana ku dhacaysa dhaxanta iyo kuleylka mana heystaan deegaan iyo wax ay quutaan intaba.
About The Author
